Mun mega geus teu bisa nyimbutan carita
Mun surya geus teu bisa nyumputkeun katresna
Hayu urang buka sempalan carita anu sempat ditunda
Mun wanci geus teu bisa mindingan
Mun takdir geus teu bisa ngadingding kelir
Hayu urang suprih jati diri nu mugia bakal walagri
Jalan carita nu bakal disorang
Geus ngembat ngabentang
Sagala carita suka jeung duka
Ceurik jeung seuri
Bagja jeung tunggara
Tangtu moal bisa diingkahan
Eta kadar anu kudu ditarima
Anging janji anu pasini
Nu bakal ngajagi tina iri dengki
Mugia cinta urang jadi lembaran carita
Nu teu kudu dibasuh ku cimata
Mugia
Bagja anu diseja
oktober 2007
Sabtu, 03 Oktober 2009
Langganan:
Posting Komentar (Atom)
Tidak ada komentar:
Posting Komentar